是日煮食


閒來沒事做(其實都唔係,忙完兩個 presentations、一份法例 assignment 真的好想 hea 一下,不然肯定會暴斃),又,網友拉拉小姐說起又好似真係喎,我寫了幾次煲糖水,但,事實我識煮其他野架喎,寫下先。

基本上我日日都煲湯,主打藥材補身湯皆因明白食療好過藥療。昨晚煲了黨參薏米瘦肉湯,有健脾利濕,益氣的作用。中式湯水不及西湯好看(內涵取勝),拍張好看的照片什有難度,沒有湯的真身照片只好用原材料那張。

<黨參薏米瘦肉湯>

材料:
黨參 3 條、薏米 3 錢、蓮子 3 錢,陳皮 1 塊、赤小豆 3 錢、炒扁豆 3 錢、薑3片、瘦肉適量

做法:
將瘦肉洗淨,飛水備用;其他材料浸洗乾淨,薑去皮切片,與瘦肉加適量水,煲滾後改用慢火煲一個半至兩小時,加盬適量即可。

晚飯得簡單的煮了個餸,送飯一流!

<洋蔥雞塊>

材料:
雞髀 / 雞胸 兩件、冬菇片 適量、洋蔥一個

做法:
先將雞肉拆件洗淨,以雞粉麻油及少量蜜糖醃至少一個半小時;冬菇浸透洗淨;洋蔥去皮切絲。待鑊中油熱透後,爆香洋蔥絲加入豉油調味,炒至香氣溢出後加入雞塊冬菇,加適量雞粉調味煮至熟透即可。

這個買的。我煮飯可是無師自通,做甜品方面卻的確是個大白痴,屢戰屢敗,唉。

早兩日路經 Marks & Spencer 發口痕就買了個 Victoria Sandwich Cake 吃。一向都是其餅食的忠實粉絲,又覺得蛋糕總不覺餅乾好吃。上回吃的那個 Coffee & Walnut Cake 比這個好吃一點,cream 的層次較豐富,嗯,卡路里免問。英國的蛋糕吃來吃去都很悶蛋,還是香港的精采多變化,吃肥的都要有價值,等我!

5 則留言:

  1. oh~你仲未俾地址我啊~你幾時會番hk呢~~~thx~~~

    回覆刪除
  2. 嗯,我抽中左?thank you so much!
    我4月2番啦, 去留番個address比你先:)

    回覆刪除
  3. 真的嘛?香港的蛋糕竟然比外國好?我好似食來食去都係美心東海堂…

    回覆刪除
  4. 我黎啦!電腦整好啦!好多野睇~
    我整野唔難食,但好驚彈油>M<

    回覆刪除
  5. 拉拉> 鬼佬野得個甜字, 佢地好多時d古古力都甜到"那"脷, 唔肥就奇!btw, y!blog又壞啦, 留唔到言喎

    CoCo> 原來壞電腦, 唔怪得知唔見你一排。煮得多識就住就唔會彈架啦~努力!

    回覆刪除

Related Posts Plugin for WordPress, Blogger...