兩個糖水 + 兩件怒事

何解糖水無啦白事會跟怒事扯得上關係呢？

是這樣的，話說春天來臨 (每日平均得 10°C 的春天，死未！)，又是動物的繁殖季。學校的宿舍只有兩層，而我住在二樓，早幾天開始貼著我房間那個天花一部份的屋頂，不斷傳來幼雀叫聲，好明顯地，有雀唔知邊頭邊路捐左入去築巢。

人所共知，雀類生物係清晨時份最為活躍，雞啼吱吱喳喳來個大合唱，從叫聲判斷我可以肯定屋頂那群是。鷓鴣。之所以如此肯定，就是因為連續好幾個清晨 6 點，我就被長氣過我阿嫲的咕咕聲吵醒。

我倒是頭一次覺得雀叫比狗吠更煩人，但又，好歹都是個動物愛好者，不想告發班衰雀搞到被人拆巢如斯地步，總之左右做人難啦。媽還要說，有雀築巢有運行呀唔識野。吓？每日嘈到無教好眠都會有運行？運氣倒是一樣，至少沒有不用交功課，又或者執到錢囉。

由於天生屬夜鬼一族，每晚都是 12 點才上床睡覺去的，即使話每晚只睡六個多小時，簡直人都癲！缺眠令我大腦呆滯，太早去睡又只會眼光光 (12 點其實很早！我覺得)，唯有煲個糖水助 (迫) 自己入睡。

＜龍眼雞蛋飲＞

材料：龍眼肉乾 (又稱元肉) 40 粒
蛋 兩隻做法：將元肉洗淨，放進大概 4 至 6 碗的清水，慢火煲 15 至 20 分鐘。熄火後把已打拌的雞蛋加入元肉水中，一邊攪絆造出蛋花。最後加入適量紅糖即可。

紅糖行氣活血，飲後會感到有一股氣衝上腦部，然後眠意在即。已經連續數晚 11 點睡，好等我可以抵抗班衰雀。
***********************************************
第二個糖水跟怒事無關，純粹近日太多功課身心疲累，有感個腎快爛掉煲來補補。
＜黑豆糖水＞

材料：黑豆 半碗 (隨手行量)
新鮮核桃 5 粒

做法：
先將黑豆洗淨，浸半小時，用大概 6 碗水加入核桃肉大火煲滾轉小火蓋實蓋，燜到豆爛為止，可中途酌量加水一次，再大火滾熄火落紅糖即可。

黑豆有非常好的藥用價值，入心、肝、脾、腎經。可調中下氣，利水解毒，解表解熱、滋養止汗、滋陰補腎、補血明目，治腎虛腰痛，血虛目暗、腹脹水腫、腳氣沖心、自汗盜汗、喉痛不語、煎汁 (即煲成水) 飲能解各種食物，藥物中毒，產後煩熱口燥。

用新鮮核桃最麻煩就是開殼，沒有耐性用刀開就唯有以杯底暴力鑒爆，一邊鑒一邊驚個杯會爆，正所謂自己知自己事，我連筷子都斷得，燈胆都爆得，真係無乜野唔爛得。
***********************************************
另一件怒事，昨日又沒有熱水沖涼。可怒也，今年住的 block 火警鐘經常誤鳴，一鳴又 cut 熱水爐的 gas，warden 又沒記性去重新開啟，天寒地凍沖凍水涼有如十級自虐。唔沖呢？當然唔可以！剛好打掃完雞屋，老老實實我驚禽流感死，所以最後只可以向現實低頭 --- 煲水沖涼囉頂！