網購集運新體驗!Buyippee 全球集運平台



又買嘢!哈哈
今次試新嘢,美國網購加集運
買了一對 Dr Martins (其實已經第四對.......)、想要好耐既靚靚 Unicorn 化妝掃 set、補給了好幾支 MAC 的 lip base 存貨。
.
近呢一兩年越嚟越喜歡網購,超超超方便選擇又多,雖然某啲外國店舖會直寄香港,但係經常預到不直寄既就要搵集運公司幫幫手!
Happy sharing 跟大家介紹一間我一直用開,而覺得非常好用的集運公司 Buyippee!
.
Buyippee 有提供多個地方集運同代購,範圍廣及美國、英國、德國、澳洲、日本、南韓、台灣中國 (淘寶)八個地方,我已經試過英國、日本、台灣同中國淘寶四個地方代運,今次第一次試美國,發現佢哋美國倉係特設免稅倉庫,大家可以慳到美國稅項唔怕買貴嘢
.
例如今次係美國買 MAC 支 Prep + Prime Lip Base 好扺,我用得快一個月一支,香港賣 HKD190,美國買 USD17.5 (約 HKD137!!!!),一次過買幾支俾埋運費仲有錢剩,呵呵~~仲搶先買到 MAC HK 未出既 Tricolour Lip Gloss!
.
Buyippee 收費非常抵玩,一般集運會使用總體積重量計算法,而佢哋會逐件貨品分開計,咁就唔會計埋箱內空隙入總體積重量收你錢。另外,由上年10月開始,佢哋嘅日本、美國、韓國集運服務實行咗實重收費,即時話如果你買嘅貨品體積好大但又好輕,咁用實重收費計法就會抵好多喔。仲有啊,佢地不時會有信用卡優惠,好似我有DBS信用卡,每次運費都有八折優惠,(Yes!係八折!)真係抵玩到痴線
DBS信用卡呢個優惠原本三月尾完喇,好消息係佢哋會現場優惠期至下年三月,我又可以繼續買平嘢!
.
如果你係網購新手,自己唔識落單,就可以選擇代購服務,只需提供商品購買網站連結,佢地會幫你輕鬆買到貨品;我平時選用代運服務,程序超級簡單,購買商品後,然後登記送到 Buyippee 當地倉庫,每星期有準時寄運航班,我最滿意係速度非常快,通常到達倉庫後一星期內已經送到香港,收到通知後就可以比錢,然後即日取貨,淘寶除外,付款後等數天再轉運到香港,不過都係好快喔!
.
曾經有朋友試過使用其他公司集運,足足等咗一個月,先收到通知 delay 了,都咪話唔驚係咪寄失咗
如果怕寄失貨品同寄既過程有損壞,Buyippee 有提供額外保障服務,如果你有買呢個服務,即是話如果賣家寄錯貨,仲可以幫你既返返去安排退款,一般代運公司少有提供既售後服務,買都買得安心啲,好幾次要幫手打去 hotline 好快就有人聽電話,職員仲要係幫到手!唔洗打火滾電話慳返好多時間
.
不過如果單數比較多,輸入時要小心,曾經試過有一次代家人淘寶,一口氣淘共有20幾家貨品(誇張!)當我輸入晒所有運單資料後,原來用得太多時間手腳太慢,停留係同一頁面太耐,網站安全系統將戶口自動登出了,全部要再打一次,下次都係要快手啲
或者記得用 submit form 新功能,而家可以「儲存草稿」功能平,入一張單 save 一張單,咁就唔驚手腳慢會自動登出由頭再打過!
.
如果冇玩開其他國家集運,淨係玩淘寶,佢地既淘寶集運都好抵玩,每次買好多好多嘢都唔貴,而家我唔使再去返工時間去郵局排隊拎!大家快啲試吓用 Buyippee,一齊 happy shopping 💨💨💨
.
.
#開心些牙榮
#買到去全世界
#夠竟我仲可以買幾多對drmartins
#又有好嘢介紹
#肥比購物車

澳洲 Synergie Skin 唇部修護精華 & 修護彩妝唇膏

8月在 Ming Mi Mart 生活百貨入手兩支有機天然唇部產品,買了之後幾乎天天都在用,雖然好喜歡,但我實在有太多太多唇膏在排隊等我寵幸!  XD

澳洲 Sygenrie Skin 是 MMM 家其中一個主打品牌,店裡有化妝師哥哥坐鎮,可以幫忙試唇膏上嘴,我沒有唇紋問題,化妝師哥哥都在我上嘴上搽一層 Sygenrie Skin 唇部修護精華作 base,感覺有立即滋潤到的感覺,之後再掃上 Synergie Skin 修護彩妝唇膏,試的是 Ecsta-C 魅紅色,我喜歡深色的唇膏,對紅色更情有獨鍾,於是兩支產品都買走了。



Sygenrie Skin 唇部修護精華 (HKD350) 上 Ming Mi Mart 網站看產品詳情才發現 Lip Services 換上新包裝,增量足足 3 倍到 12ml, 份量比舊包裝 4ml (HKD280)抵得多。



  • 新包裝設計改為搪瓷嘴,搽上嘴感覺涼涼的,好舒服
  • 當中含有三胜肽複合物、透明質酸為雙唇保濕
  • 亦有醫學純羊毛脂同時滋潤 勤力搽可以去死皮及唇紋,晚上厚敷當唇膜,早上起床嘴唇還是水噹噹很嫩
  • 甜菊及薄荷精油製成,味道甜甜的,成份天然,吃進肚子都不怕!



Synergie Skin 修護彩妝唇膏一樣是支「可以吃的唇膏」!
  • 含有左旋維C、有機維他命E,可以作抗氧化對抗自由基
  • 葡萄籽油、羊脂、乳木果及透明質酸保濕雙唇,這個功能對唇部產品完全不可或缺
  • 氧化鋅及二氧化鈦成份作防曬可以阻隔紫外線 UVA 及 UVB,嘴唇是全身最薄皮膚之一,更要好好做足防曬功夫,不要讓色素沈澱
  • 天然香味來自天然甜菊葉及甜橙 



Facebook 宣傳片段 Erica 示範 Ecsta-C 色,我被魅紅色的鮮豔深深吸引,搽上很顯白之外,看起來有一種成熟知性美,超喜歡!我亦很喜歡 Giorgio Armani 家#400 最經典的紅色,帶藍調的紅,都是令皮膚後來很白透,不過對夏天來說會有點過濃,還是更適合冬天的冷豔,反而Ecsta-C 可以搽薄薄搽一層做一個咬唇妝,夏天用都「啱數」!



單獨使用唇膏,不用 Synergie Skin 唇部修護精華作打底,會有 matte 效果,唯一問題過了數小時感覺有點乾,會起一點唇紋,化妝師哥哥說原因是礦物會鎖水,搽一點唇部修護精華便可補救,滋潤一下令唇紋消失,又可變成有光澤的唇膏色。



順帶一提,不要讓護唇精華的搪瓷嘴直接碰到有色唇膏,我不小心沾了一下,立即清潔都太遲,已經有個色印去不掉,所以唇膏上搽的話只可以用手指吧。最吸引我其實是成份全天然吃得的唇膏用得安心得多,雖然吃飯前總會抹抹嘴,但是不多不少也會吃進肚子。



現在 Ming Mi Mart 在10月都有推出優惠,今天旺角雅蘭中心新店開張,有不少額外優惠,剛巧遇到老闆娘 Erica 和 Peggy,真人很漂亮又 非  常  瘦!鏡頭是騙人的吧!



Escta-C 魅紅色以外其他色都很漂亮,我又去入手了一支 Fanta-C 豆沙色,比較低調一點,原價 HKD280 (折後HKD238),跟上圖同一粉底使用,可以見到膚色分別嗎?



另外買了都是 Synergie Skin 家的黑眼圈調色霜 及 防曬礦物遮瑕膏,還未開始用,遲些再分享。

窩心提示,為 MMM 家購物凡自備購物袋,即可享有 HKD2 減免優惠,都是嗰句:重點不在於金額,而在於鼓勵環保!

Mi Ming Mart 袁彌明生活百貨 Facebook : https://www.facebook.com/mimingmart/

7月媽媽生日飯。萬麗咖啡室 Cafe Renaissance

7月的媽媽生日飯現在才寫,進度真是超落後!


每年父親、母親大人生日,特定環節都會去吃自助餐,皆因以林家各位胃口都不同,二小姐愛甜品,父親大人不嚐甜,而且選擇多樣化非常適合各位大爺大小姐!今次做了一輪 research,找到萬麗海景酒店的 Cafe Renaissance,以海鮮為題的自助餐,父親是個超級海鮮控。


當晚一開始最先出現人龍是龍蝦吧,每隔一段時間就有新鮮的出爐,整晚是源源不絕供應,左邊膠箱內放了幾隻活生生龍蝦以示新鮮,餐廳亦很細心的提供了10種醬汁及鮮檸檬塊作調味選擇。


龍蝦開邊蒸,肉質新鮮豐厚很有彈性,肉很多,另附有一味龍蝦上湯蒸蛋,味道不錯,不過妹覺得水下得太多有點稀稀。 海鮮吧有幾款蝦、毛蟹鉗、翡翠螺、長腳蟹腳及生蠔,而且整晚跟龍蝦一樣不停供應!


右邊還有個壽司吧,刺身跟壽司選擇都算多。


我是個生蠔控,吃了共10多隻,要讚讚的這家的生蠔雖然不算厚身,但是味道 creamy,非常新鮮乾淨,完全沒有半點沙粒及腥味。


熟食每一道都做的很出色,連薯仔都烤得均勻,更有整條東星斑供應,每一出爐便很快給大家吃清光,証明大家都覺得不錯。


甜品味道實屬普通無驚喜,其中那個紅桑子慕絲是恐怖藥水怪味,是當晚唯一我不能吃完的食物。


有外殼沒靈魂的心太軟,一早預備好盛在碟子上暴露於室溫中,吃時中間的朱古力漿都不流了。還有 Haagen-Dazs 杯裝雪糕是任吃的。


最後來個中湯去甜膩,冬瓜湯煮得鮮甜。

總括而言,甜品比熟食遜色,要主打吃甜品的話,我會推介文華東方的 Clipper Lounge,他們家的甜品做得很好,而且得過獎,選擇非常之多,不過熟食我會說萬麗咖啡室作得比較出色。

當晚發生了小插曲,女洗手間有食客拉肚子,弄得廁格內滿地排泄物,最離譜是連內褲都掉進馬桶內,好過分!我不小心目睹這嘔心的情境,有其他食客通知職員,他們基本上九秒九去處理好,其他時候服務態度都很好,一定會再光顧啊!

--------------------------------------------------------------------

萬麗咖啡室 Cafe Renaissance

地址:灣仔港灣道1號香港萬麗海景酒店閣樓
電話號碼2802 8888
營業時間:星期一至日: 06:30-00:30
付款方式:Visa / Master / AE / 現金 / 銀聯

新玩具入手 【McDonald x Nanoblock Ronald & Friends 】x Fujifilm instax Mini 8 新相紙


(圖片來源:McDonald 官方網頁)
McDonald 慶祝巨無霸50周年推出另一個Nanoblock系列,今回是各經典人物,不過跟對上一次一樣,齋睇不能砌,官方說得好聽「免組裝版本」,哈! 上一個系列推出是極速售罄,又是老原因 - 炒!香港人就是喜歡什麼都炒(怒~~~~),今次幸運發現得早,而且覺得麥當勞叔叔的超可愛,沒多想就帶了組回家。 



惠顧任何食品 HKD20 買一隻,每次最多3件,這個方案有點費時傷神,懶惰的我選擇了整個 complete box set 購買,又因為 薯條x2 只限 box set 附送,散買沒有的,另額外附送 McDonald HKD50現金卷,變相每組公仔只售大約 HKD24.7,相差不多。



造工算是不錯,記得 display box 都只限 box set 才可擁有,散買的要自行找個靚盒了。麥當勞叔叔真的很可愛~~~(醉)



另一''咁岩得咁橋''新入手玩具是 Fujifilm Mini Instax 8 新推出的「我們的香港」 跟 「愛麗絲菲林相紙,經常只會看到 Disney、日本卡通各樣的菲相,以香港作主題的還是第一次見,非常威吧!不過暫時還有其他菲林在相機內還在用,遲些再上來更新一下。

弟弟跟我研究封面如何代表香港,他一語中的說:那兩隻貓是強大祖國,對瓶內金魚香港虎視眈眈。

對,真心替香港前景擔心。
Related Posts Plugin for WordPress, Blogger...