獨居日子


一個人獨居了好幾年,現在這種生活快到尾聲將成為回憶。

在家的日子,如果見到雜物四處放,而又十年都沒有人有意慾去清理的話,我會很火爆的,這種情況時有發生。獨居後,忙得天昏地暗的日子,如早前一星期都疲於奔命,自己卻不自覺做起相同的事來,厚厚的文件堆疊在書桌上,連機票都在,心裡想下星期會清理,下星期又再想後星期會清理,如是者,文件堆半年來仍在。最厲害的是,有一部份是二月英國遊的旅程資料,對!我還沒把遊記寫完!!希望可以的話會在月尾前完成……

學校的洗衣機是投銀式那種,洗衣 £2、乾衣 £1,一星期 £3,加起來一年的要 £110!由第一年開始,我就很省儉用手洗衣服 (!),聽起來很癲,尤其冬天在冰水下沖洗大力扭乾是很攞命的事,牛仔褲大褸類衣物最恐怖的紀錄是足足一個月沒有洗,正所謂自己知自己事,我從不會洗澡前坐到床上去。

被子我不會摺,只是求其的拉平算了。反正夜晚都要睡的,隨手拉起被子把身鑽進被窩,方便快捷,不用摺來摺去那麼麻煩。

護膚品數目與日俱增,不只眼前的,衣櫃裡另有一堆。我有預感,回家後媽看到我的行李後會有把我整個人五馬分屍的衝動。

雪櫃壞了,已經壞到會噴熱風的地步 (該是雪種壞掉),食物只好在房裡四處放,誓如把生菜放在壞了的雪櫃頂上。

獨居另一樣最討厭的家務是洗碗,盡可能我都不會使用多餘的碗筷。何謂多餘?即是反正都是吃的,我會把食物連煲一起捧著的吃。關於這一點,媽曾經說過看起來沒衣食沒儀態的說話,但我覺得要我一日至少兩餐要多洗隻碗是何等煩人的事,又,自己人一個住 who cares!

處女座的人的而且確有潔癖,只是看生活如何把程度調整。

5 則留言:

  1. 你好呀~ 第一次留言~

    我同你岩岩相反.. 同屋企人住反而0的野亂七八糟
    如果自己一個人住應該會好0的...

    我係個半潔癖0既人.. 出過街0既衫褲一定絕對唔會擺床
    (不過袋又例外喎.. 因為連袋都無位擺!)

    個雪櫃壞左就丟左佢啦.. 反正都無用
    噴熱風咪仲易令到其他食物壞...

    btw, 你真係好慳, 俾著我我實會諗「呢0的錢唔慳得.. 唔洗自己洗得咁辛苦」
    XDDD

    驚唔驚自己到時唔適應?

    回覆刪除
  2. 身同感受= =
    同我一模一樣!!
    係一模一樣!!!!
    簡直"cup"模咁!!!!!!!!
    好chi sin!!!!!!
    hahahaha!!!!!!
    不過我鐘意!!!!!!

    回覆刪除
  3. 學校的洗衣機是投銀式那種,洗衣 £2、乾衣 £1,一星期 £3,加起來一年的要 £110!

    呢個真係痴線,我之前都係exactly呢個價位!
    洗一次衫用左我4GBP(有時太多衫要乾兩轉先乾晒)…

    但我真係無勇氣同無能力去自己洗(最大問題係冇位晾乾)
    所以我儲成兩星期甚至大半個月先一次過…

    回覆刪除
  4. 雪櫃..噴熱風? well done, you've just invented the Oven : ))

    回覆刪除
  5. Cooking Meow> 你好呀,多謝留言:)
    個雪櫃下星期執行李走人先掉,當然而家無用到啦,食鬼死我都似。都唔會唔適應既,始終由細到大都跟 family 住,唯一唔好係會過番夜鬼生活啫。

    金子> yeah!high 5 XDD

    Mr. Ball> 老老實實,d 乾衣機真係唔係幾夠力,成日都乾唔透!另一問題係我衫唔多,好難儲到一機衫。父母話左我好多次唔好用手洗,不過我硬頸唔聽講,哈哈哈。

    Arch> lol thanks! i can make some cup cakes now.

    回覆刪除

Related Posts Plugin for WordPress, Blogger...