被非禮與旁觀者

朋友 T 跟我說這星期她已比非禮了兩次。


我第一句噠過去：「你係唔係著超級迷你裙呀？」(一早發現只要著得 sexy 點在平民地方大遙大擺地走可以引來很多猥褻目光)

她答道：「緊係唔係！著及膝裙加超黑色既絲物同大褸咋！果日我雙手插袋行，有個好老既阿伯慢慢迎面而行，當佢行埋我個陣時摸我下面，係前面既下面呀!!!!! (強調)」

我即刻問：「嘩！十級仆街喎！你有無小佢？」

她竟然答我：「我勁驚話 "你隻手做乜呀！"，個陣時街上人流都係普普通通，但我講完之後冇人理我囉，個伯一直向前走冇望返過黎。所以下次有人比人非禮我會扮睇唔到，痴線架，冇人理我！」

我：「搞錯呀！以為你話會幫囉，個個好似你咁樣未無人幫。你成日遇呢d架，小心d啦，好明顯你係d麻甩佬既 dream type 啦！」

她：「頂！dream type？咩事呀！」

近年在街上走要小心點，很多大叔阿伯借意非禮，有些更會扮行動不便，有數次我遇過無故向我微笑，好毛骨悚然。

上個月跟朋友在街上行，有一隻迷你牧羊狗拖著一條超長狗帶以時速 9 秒 9 迎面飛奔過來，而且神色慌張，街上的人面面相覷只細聲說「走狗」喎，你唔講我都知啦！眼見等了幾秒無人追來，於是我飛奔跑去追 (當時穿著高踭 boot 好難跑！ )，剛好那條狗帶卡在停泊在旁的車轆下，但那狗還是拼命的扯想逃走，當我嘗試解開，牠主人才趕及，說這狗是「地頭蟲」懂路的，被車嚇到想跑回店裡。還好，要是第二種情況，這狗恐怕或真的走失，我不想多看到一張尋狗街招。整個過程有人圍觀議論紛紛，但無人出手理會囉。

現在大部份香港人真的好怕事，見事都不會出手去幫，這次無人幫你所以你下次不幫他人，那麼人會越來越變得冷漠，成了循環。更甚的是，變態佬會更猖狂令更多人受害。

又譬如近日熱聞「8優中大生港鐵露械非禮」，女事主是受害者，但怕事到事後逃去，離晒譜！p.s. 生果日報那段影片新聞真的繪形繪聲到不行，還有配音，囧。