是日課堂：馬腳解剖

完成為期兩個月的細胞顯映堂，又開始本年度最「for fun」的解剖 unit。

(忘了帶相機，電話拍照像素還可以，但色總是偏藍)
老早就知一班同學安全意識貧乏 ，會舞刀弄鉗，手揸刀去摺衫袖，摔鼻等等等等等，持刀者生人勿近，比到 = 唔抵可憐，所以我選擇了睇。

密地同學一開始就主持大局將馬腳「去皮」，手工好亦很仔細，好衰唔衰，老師一讚令成功感大增，結果半小時內用足足二十五分鐘超仔細地去皮。( 註：重點在於肉的組織分析，但肉無切過喎，大姐！)

蘇 E 同學於最後五分鐘插手，目標轉為用解剖刀 (！？) 清潔馬蹄甲底，可想最後結果就是，啪！斷左。


完成品：一隻淨去皮馬腳 + 一把爛刀

全班斷了至少兩把刀，每次我都好懷疑其實班同學志在學習定搗蛋。有某女同學像失心瘋以為自己手上的是牛肉刀的亂軟亂切，嘴陰陰的笑 (！)，有殺人王風範喎。有同學將馬腳當玩具，又拉又扯，哈哈大笑，變態架你？

經驗之談，上年上演羊眼爆淺四射，當黑地得我一個糟殃，前一晚洗淨的 lab coat 滿佈眼汁，面亦中了些少，好明顯蘇菲同學事前並不清楚一招力插羊眼的結果會是如此，由那天開始我深深明白我班同學做事可以無攞輯，可以好白痴，囧。