失眠夜

5:32 a.m.
滿腦煩事，在床上輾轉反則幾小時，但全無睡意，起來沖了好立克，坐在電腦前找點事做。

＞ 前日一整天忙著做 posters，很討厭，製造大量廢物，經常眼見同學把所有紙都掉進垃圾筒。跟前的 5 張 posters 真的做得很醜，醜得很求其，求其得隨便，眼怨，只求以 informative 足夠交貨。最懊惱的是我班天真瀾漫的同學仔 (18歲卻像8歲小朋友)，每次對這類幼稚園習作表現得極感興趣，tutor 有成功感越比越過癮。興致勃勃的佈置課室，吹氣球，掟紙飛機 (雖然此可為藝術，日本有紙飛機大賽，但我感覺佢地似浪費紙張為實，唔環保的 Animal Care Students？)，經常誤以為自己身處兒童 playgroup，囧。



＞ 《宮心計》看到 28 集，像翻版《金枝慾葉》，又係後宮爾疑我詐的生活，一班女人鬥到死去活來，大部份劇情我都估到，最有驚喜還是楊怡演大奸角，其他角色有如一貫，有點悶。

＞ 本來亦有看《富貴門》，捧呂良偉跟袁詠儀場 (我爸個樣酷似呂良偉，真的，大概有60%，哈) ，演員陣容強盛可惜劇情好老套，又係有錢佬大家庭，又又又有私生子，加上不太喜歡郭可盈，還有那堆恒生廣告，hard sell 到似看宣傳易，看了十集已經無興趣再繼續。

＞ 過了汁撈飯的日子三日，決定明早到 town 買點新鮮吃的，罐頭都快清光，目前好好好需要 nice shopping 刺激一下。

＞上兩星期腦袋一度又發好夢，搞錯了 assignments 的 date due in。

01.

事源有份 ethogram 要上星期三交，但我一路懵到上腦以為下星期一交，tutor H 第三年教我亦知我從不遲交功課，於是找來班主任 L 問話：「點解你尋日無交功課？」 我：「下！乜唔係下星期一咩！？」 幸好紀錄良好有價講，lunch 前趕工順利完成，呼。

02.

本以為 assignment A 比 B 早交，last week 快快手已完成 A (下下星期一交)，B容後完成 (以為下下星期二交)，昨日上堂才知實情係下星期五，五日！！大可樂！

連續兩次睇錯隔離班交個日期，好明顯食懵左。