奇事（一）
一個生面口的客人步入診所，手持一件盒狀物體。問道：我想買呢個，請問你地有賣嗎？
近看一點，以為自已眼花，再望真一下，上面寫了「戒煙貼」三個字！
我：……………冇呀，戒煙貼係人用架，你呢個可以到藥房或萬寧試下。（苦笑中......）
客人：真係冇架？（厄你做乜？？？）
我：係呀，呢度係動物診所（！！強調！！）冇人藥賣既，動物唔會食煙。
客人：（環顧四周）咦！唔好意思！
她然後溜了……
當然有幾個客人跟兩隻狗在現場。大家齊O咀。
***************************
奇事（二）
一個老婆婆步入診所，手遞上她的長者卡（吓！幹麼）
然後她說：可以登記睇醫生嗎？
我：貓定狗？
婆婆：我睇。
我：唔好意思婆婆，呢度獸醫診所，唔睇人架！
婆婆：我有長者卡，唔係免費睇醫生架咩？
我：婆婆，我地獸醫診所唔睇人架（....其實我哋嘅裝修真係冇邊忽似人診所....）
我覺得自己講完唔笑先係勁！同樣，又係有幾個客同狗狗坐喺度等睇醫生（sorry，應該係獸醫至岩）
沒有留言:
發佈留言